"Avropa istənilən razılaşmada Ukraynanın ərazi bütövlüyünü qorumaqda israrlıdır"
Avropa ölkələri hesab edir ki, Ukraynada Rusiya ilə müharibəyə son qoymağa yönəlmiş istənilən sülh sazişi Avropa İttifaqına (Aİ) yaxın ölkənin “ərazi bütövlüyünü” əhatə etməlidir.
Redaktor.az xəbər verir ki,bu barədə AFP Fransa Prezidenti Emmanuel Makronun ofisindəki mənbəyə istinadən xəbər verir.
"Ukraynanın ərazi bütövlüyü və Avropa istəkləri avropalılar üçün çox sərt tələblərdir", - Makronun ofisi bildirib.
Daha əvvəl ABŞ-nin vitse-prezidenti J.D.Vens hər iki tərəfin "hazırda sahib olduqları ərazilərin bir hissəsini verməli olduqlarını" təklif etmişdi.
"BBC News" xəbər verir ki, Vens həmçinin ABŞ rəsmilərinin əvvəlki şərhlərini təkrarlayaraq, Ukrayna və Rusiya sülh sazişi ilə bağlı razılığa gəlməsələr, ölkəsinin “uzaqlaşacağını” bildirib.
Turan İSMAYIL
Bizi Telegram-da izləyin...
