Türkiyənin Kütahya şəhərində ard-arda zəlzələlər baş VERDİ
Türkiyənin Kütahya vilayətinin Simav rayonunda biri 4,6 bal gücündə olmaqla ard-arda 3 zəlzələ qeydə alınıb. Kütahya Valisi Musa Işın son vəziyyətlə bağlı TRT Haber-ə açıqlama verərək, Simav və ətraf kəndlərdə məktəblərin bir gün müddətinə tətil olunduğunu bildirib.
Redaktor.az xəbər verir ki, zəlzələlərdən birincisi yerli vaxtla saat 07:23-də 4,5 bal gücündə, ikincisi 07:29-da 3,9 bal gücündə, üçüncüsü isə saat 10:20-də 4,6 bal gücündə baş verib.
Ən güclü zəlzələnin yerin 12,17 kilometr dərinliyində, digərlərinin isə 8,81 kilometr dərinlikdə meydana gəldiyi açıqlanıb.
Hazırda bölgədə araşdırmalar davam edir.
Kənan YUSİF
Bizi Telegram-da izləyin...
