Suriyanın keçmiş prezidenti Hafiz Əsədin qalıqları OĞURLANDI
Sosial şəbəkələrdə Suriyanın keçmiş prezidenti Hafiz Əsədin qalıqlarının eksqumasiyasını əks etdirən video yayılıb.
Redaktor.az "Qaynarinfo"ya istinadla xəbər verir ki, X sosial şəbəkəsində naməlum şəxslərin qalıqları naməlum yerə aparması barədə məlumatlar qeyd edilib. Bəşər Əsəd rejiminin süqutundan sonra atasının məzarı dağıdılıb.
"Suriya TV"nin məlumatına görə, onların kimliyi məlum deyil. Telekanal aydınlaşdırıb ki, naməlum şəxslərin məzar qazdığı daha bir video aprelin 17-də internetdə yayılıb. Qeyd edilir ki, həmin şəxslərin Latakiya vilayətindən olan silahlı qruplarla əlaqəsi ola bilər.
Sosial şəbəkələrdə yayılan videoda bir neçə hərbi geyimli kişi Əsəd ailəsinin məzarının içində dayanıb. Bir neçə məzar daşı yoxdur. Qəbrin özü qazılıb. "Ynet" yazır ki, qalıqlar Bəşər Əsəd tərəfdarları tərəfindən qalıqları təhqirdən xilas etmək üçün eksqumasiya edilə bilərdi.
Əsəd ailəsinin məzarı Suriyanın Latakiya şəhərində yerləşir. Hafiz Əsədin böyük oğlu və Bəşər Əsədin qardaşı Bazil də orada dəfn olunub. Dekabrda Bəşər Əsəd prezident postundan istefa verəndən bir neçə gün sonra naməlum şəxslər məzarı yandırıblar.
Bizi Telegram-da izləyin...
