İsraildə Suriyaya zərbələr endirilməsinə hazırlıqlara başlanması əmr EDİLDİ
İsrail Ordusunun Baş Qərargah rəisi Eyal Zamir İsrail hərbçilərinə Suriyanın yeni hakimiyyət orqanlarına məxsus hədəfləri vurmağa hazırlaşmağı əmr edib.
Redaktor.az xəbər verir ki, bu barədə ordunun mətbuat xidməti məlumat yayıb.
“Vəziyyəti qiymətləndirdikdən sonra Baş Qərargah rəisi Eyal Zamir druz icmalarına qarşı zorakılıq halları davam edərsə, İsrail ordusuna Suriya rejiminə məxsus hədəfləri vurmağa hazırlaşmağı tapşırıb”, - məlumatda bildirilir.
Ordudan qeyd edilib ki, İsrail Hərbi Hava Qüvvələri çərşənbə günü artıq dinc sakinlərə - druzlara hücum edən yaraqlıları Dəməşqin kənarında vurub.
Qurumdan bildirilib ki, İsrail ordusu bölgədəki hadisələri izləyir və İsrail qoşunları Suriya bölgəsini müdafiə etməyə hazırdır.
Bizi Telegram-da izləyin...
