Türkiyədə daha 84 narkotik satıcısı həbs EDİLDİ
Türkiyənin Mersin vilayətində təşkil edilən genişmiqyaslı “Narkokapan-Mersin” əməliyyatında 112 şübhəli saxlanılıb, onlardan 84-ü barəsində həbs qərarı verilib.
Redaktor.az xəbər verir ki, Türkiyənin Daxili İşlər naziri Ali Yerlikaya əməliyyatla bağlı verdiyi açıqlamada, hazırlıq mərhələsinin 6 ay davam etdiyini bildirib. Yerlikaya, əməliyyatın əsas hədəfinin küçə və məhəllələrdə gənclərə narkotik satan “torbacı” adlandırılan şəxslər olduğunu vurğulayıb.
Əməliyyata 460 personal, 4 jandarma komando qrupu, 6 motosikletli jandarma asayiş qrupu və 4 xüsusi təlim keçmiş narkotik axtarış iti cəlb edilib.
Nazir, şübhəlilərin texniki və fiziki izləmə ilə müəyyən edildiyini və hüquqi sübutların toplanmasının ardından əməliyyatın həyata keçirildiyini bildirib.
Kənan YUSİF
Bizi Telegram-da izləyin...
