Çeçenistanda 3 şəhərin adı dəyişdirildi
Rusiya Hökumətinin Qanunvericilik Fəaliyyəti Komissiyası Çeçenistan Respublikasının üç şəhərinin adının dəyişdirilməsi təşəbbüsünü təsdiqləyib.
Redaktor.az xəbər verir ki, bu barədə “Kommersant” qəzeti məlumat yayıb.
Söhbət Nerve (“çeçen dilində şimal”), Terek (qəsəbə bu çayın sahilində yerləşir) və Sernovodsk (şəhərdə Sernovodsk-Kavkazski kurortu fəaliyyət göstərir) adlandırıla bilən Naurskaya, Şelkovskoye və Sernovodskoye şəhərlərindən gedir.
Təşəbbüsü dəstəkləməsinə baxmayaraq, Nazirlər Kabinetinin komissiyası onun Çeçenistan büdcəsindən maliyyələşdiriləcəyini qeyd edib.
2023-cü ildə Çeçenistanın İtum-Kalinski rayonundakı dörd yüksək dağ yaşayış məntəqəsinə tarixi adları geri qaytarılıb. Kəndlərə "Gimara", "Key", "Malhista" və "Nikara" adları verilmişdir.
Çeçenistanın rəhbəri Ramzan Kadırovun sözlərinə görə, adı dəyişdirilən kəndlər tarixən respublikanın Qalançoj rayonunun tərkibinə daxil olub, çeçen xalqı qovulduqdan sonra möcüzəvi şəkildə sağ qalıb.
Turan İSMAYIL
Bizi Telegram-da izləyin...
