Hakimiyyət "Almaniya Krallığı" təşkilatını qadağan ETDİ
Almaniya hakimiyyəti Almaniya Krallığı təşkilatının dörd liderini həbs edib və ölkədə fəaliyyətini qadağan edib.
Redaktor.az xarici mediaya istinadla xəbər verir ki, bu barədə Almaniya Daxili İşlər Nazirliyinin saytında bildirilir.
"Birliyin məqsədi və fəaliyyəti cinayət qanunvericiliyinə ziddir və konstitusiya quruluşuna və beynəlxalq anlaşma ideyasına qarşı yönəlib", - idarənin bəyanatında deyilir.
Qeyd edilir ki, “Krallıq” Reyxsbürger hərəkatının bir hissəsidir və onun ən böyük birliyidir.
Qeyd edək ki, 2024-cü ildə hərəkatın nümayəndələri dövlət çevrilişinə cəhdə görə həbs olunublar.
Reyxsbürgerlər özlərini Almaniya İmperiyasının (1871-1918) vətəndaşları hesab edirlər və AFR-nin hakimiyyətini tanımırlar.
Turan İSMAYIL
Bizi Telegram-da izləyin...
