Aİ və Britaniyadan Rusiyaya qarşı yeni SANKSİYALAR
Avropa İttifaqı (Aİ) Rusiyaya qarşı 17-ci sanksiya paketini təsdiqləyib.
Redaktor.az xəbər verir ki, bu barədə Aİ diplomatiyasının rəhbəri Kaya Kallas “X” sosial şəbəkəsində yazıb.
"Aİ Rusiyaya qarşı 17-ci sanksiya paketini qəbul edib. "Qara siyahı"ya 200-ə yaxın tanker daxil edilib”, - o bildirib.
Kaya Kallas vurğulayıb ki, artıq Moskvaya qarşı 18-ci sanksiya paketi üzərində işə başlanılıb.
Böyük Britaniya da Rusiyaya qarşı sanksiya siyahısını genişləndirib.
Britaniya hökumətinin yaydığı məlumata görə, siyahıya 20 fiziki şəxs və 62 qurum əlavə edilib.
Bizi Telegram-da izləyin...
