ABŞ digər universitetlərə də əcnəbi tələbələrin qəbuluna qadağa qoya bilər - Tramp
ABŞ digər universitetlərə də xarici tələbələrin qəbuluna qadağa qoya bilər.
Redaktor.az "Fox News"a istinadla xəbər verir ki, bunu Ağ Evin Oval kabinetində jurnalistlərə açıqlamasında ABŞ Prezidenti Donald Tramp deyib.
"Biz bir çox varianta baxırıq... Harvard, bəziləri kimi, yanaşmalarını dəyişməli olacaq" - Amerika lideri deyib.
Qeyd edək ki, Ağ Ev Amerika universitetlərindən yəhudi tələbələrin müdafiəsini təmin etməyi tələb edib, Yaxın Şərqdə münaqişənin kəskinləşməsi fonunda ABŞ universitetlərində İsrail əleyhinə etiraz aksiyaları keçirildiyi üçün maliyyəni kəsməklə hədələyib.
Mayın 22-də Milli Təhlükəsizlik Naziri Kristi Noem Harvardın artıq beynəlxalq tələbələri qəbul etməyəcəyini açıqladı. Artıq universitetdə qeydiyyatdan keçmiş bütün beynəlxalq tələbələr başqa universitetlərə köçürməlidirlər. O vurğulayıb ki, bu qərar onların statusunu qorumaq məqsədi daşıyır.
Mayın 20-də ABŞ dövlət katibi Marko Rubio bəyan edib ki, hakimiyyət İsrail əleyhinə nümayişlərdə iştirak edən əcnəbi tələbələrin vizalarını ləğv edəcək.
Turan İSMAYIL
Bizi Telegram-da izləyin...
