Oğlunun Trampla mübahisəsindən danışdı: “Səhv edib”
“İlon Mask ABŞ Prezidenti Donald Trampla münaqişəyə girməklə səhvə yol verib”.
Redaktor.az xəbər verir ki, bu sözləri amerikalı milyarderin atası Errol Mask oğlunun prezidentlə mübahisəsini “İzvestiya”ya şərh edərkən deyib.
“Tramp qalib gələcək, o, prezidentdir, prezident seçilib. Məncə, İlon səhv edib, o, yorğundur, stres keçirir. Beş aydır davamlı olaraq streslidir”, - E. Mask əlavə edib.
O, həmçinin qeyd edib ki, oğlu öz prinsiplərinə sadiqdir və demokratların səmərəsiz təşəbbüslərini dəstəkləmək istəmir.
Xatırladaq ki, Trampla Mask arasında biznesmenin Ağ Evi tərk etmək qərarı fonunda mübahisə yaranıb. Buna səbəb federal xərclərin azaldılması ilə bağlı qanun layihəsi olub. Mask iyunun 3-də “X” sosial şəbəkəsində paylaşım edərək Trampın bu layihəsini kəskin tənqid edib.Tərəflər daha sonra mübahisəni sosial şəbəkə hesablarında davam etdirib və bir-birinin ünvanına tənqidlər səsləndirib. Bu paylaşımlardan birində Tramp milyarderin “ağlını itirdiyini” yazıb.
Bizi Telegram-da izləyin...
