Ukrayna Kursk istiqamətində Rusiyanın "Su-35" qırıcısını vurduğunu bəyan ETDİ
Ukrayna Hərbi Hava Qüvvələri iyunun 7-də səhər saatlarında Rusiyanın "Su-35" qırıcısını vurduğunu iddia edib.
Redaktor.az-ın "Reuters" agentliyinə istinadən xəbərinə görə, bu barədə Ukrayna hərbçiləri "Telegram" kanalında paylaşım ediblər.
"Bu gün səhər saatlarında Hərbi Hava Qüvvələrinin Kursk istiqamətində uğurlu əməliyyatı nəticəsində Rusiyanın "Su-35" qırıcısı vurulub", - deyə paylaşımda bildirilib.
Həmçinin məhv edilən və qəzadan sonra alovlanan təyyarənin videosunu dərc ediblər.
Ukrayna HHQ iddia edir ki, görüntülərdə Rusiyanın "Su-35" təyyarəsinin Kursk istiqamətində vurulması əks olunub.
Hadisə ilə bağlı təfərrüat açıqlanmayıb. Rusiya tərəfi hələlik məsələni şərh etməyib.
Eyni zamanda, KİV-də yayılan xəbərlərə görə, Rusiya hərbi aviasiyasında ixtisaslaşmış "Fighterbomber" kanalı "Su-35S" təyyarəsinin itirildiyini təsdiqləyib. Kanalın məlumatına görə, pilot xilas edilib.
Bizi Telegram-da izləyin...
