İranda zavodda partlayış baş verdi, ölən və yaralananlar var

 22:24 09.06.2025     117

İranın Natanz şəhəri ətrafında poladəritmə zavodunda karbon qazı olan silindr partlayıb.

Redaktor.az xəbər verir ki, bu barədə ISNA məlumat yayıb.

"İmamzadə rayonundakı Xalidabad polad zavodunda karbon qazı olan silindrin partlaması nəticəsində 7 nəfər xəsarət alıb. Bir nəfəri isə xilas etmək mümkün olmayıb", - məlumatda deyilir.

Ölənlərin hamısının Əfqanıstan vətəndaşları olduğu dəqiqləşdirilir. Onlar tibb məntəqələrinə göndəriliblər.

Partlayışın səbəbləri araşdırılır.