"ABŞ bazalarına hücum etmək İsrail ərazisini vurmaqdan daha asandır" - İrandan XƏBƏRDARLIQ
"İran silahlı qüvvələrinin Yaxın Şərqdəki ABŞ hərbi bazalarına hücumu İsraildəki hədəfləri vurmaqdan daha asan olardı".
Redaktor.az xəbər verir ki, bu barədə Qətərin “Əl-Cəzirə” telekanalı yüksək rütbəli İran rəsmisinə istinadla məlumat yayıb.
Vaşinqtonun münaqişəyə mümkün müdaxiləsindən danışan telekanalın adını açıqlamayan mənbəsi “Regiondakı Amerika bazalarına hücum etmək İsrail ərazisini vurmaqdan daha asandır” deyib.
"Biz ABŞ-ni ciddi şəkildə xəbərdar edirik ki, münaqişəyə müdaxilə onun Yaxın Şərqdəki maraqlarını təhlükə altına salacaq", - İran rəsmisi qeyd edib. O vurğulayıb ki, ABŞ-nin münaqişədə iştirakı onu regional səviyyəyə daşıyacaq.
Turan İSMAYIL
Bizi Telegram-da izləyin...
