İndoneziyada qayıq batdı: 38 itkin
İndoneziyanın Bali adası sahillərində sərnişin bərəsi batıb.
Redaktor.az bu barədə ölkə mediasına istinadla xəbər verir.
Məlumata görə, qayıqda ümumilikdə 65 nəfər – 53 sərnişin və 12 ekipaj üzvü olub.
Hadisə bərənin limandan çıxmasından təxminən yarım saat sonra baş verib. Hal-hazırda hadisə yerində axtarış-xilasetmə işləri davam etdirilir.
Rəsmilərin verdiyi məlumata görə, indiyə qədər 23 nəfər xilas edilib, 4 nəfərin isə cəsədi tapılıb. Qalan 38 nəfərin axtarışı davam edir.
Qəzanın səbəbi hələlik məlum deyil. Yerli səlahiyyətlilər hadisə ilə bağlı araşdırmalara başlayıblar.
Nuriyyə NATİQQIZI
Bizi Telegram-da izləyin...
