Yaponiya sunami riski ilə üzləşə bilər
İndoneziyanın Flores adasında Levatobi vulkanının püskürməsi baş verib.
Redaktor.az xəbər verir ki, bu barədə Yaponiya Meteoroloji Xidməti məlumat yayıb.
Sinoptiklərin məlumatına görə, vulkan Yaponiyanın vaxtıyla saat 12:10-da (Bakı vaxtı ilə 7:10-da) püskürməyə başlayıb. Əgər bu püskürmə nəticəsində həqiqətən sunami dalğası yaranarsa, o, Yaponiyanın sahillərinə təxminən yerli vaxtla 15:30-da (Bakı vaxtı ilə 10:30-da) çata bilər. Yaponiyalı mütəxəssislər hazırda sunaminin yaranma ehtimalını araşdırırlar.
Levatobi vulkanı iki zirvədən ibarətdir. Onun daha aktiv hissəsi - Levatobi Laki-laki - 1584 metr hündürlüyündədir və daha hündür olan digər zirvədən -Perempuan (1703 m) - təxminən iki kilometr aralıda yerləşir.
İndoneziya Sakit okean "odlu halqası" adlanan yüksək seysmik aktivliyə malik bölgədə yerləşir. Ölkədə 500-dən çox vulkan var, onlardan təxminən 130-u fəaliyyət göstərən vulkanlardır.
Ötən həftə Yaponiyada yerləşən aktiv vulkan Simmoe, Miyadzaki və Kaqosima prefekturalarının sərhədində, 5 kilometrdən yüksək kül sütunu püskürüb. Alimlərin məlumatına görə, bu, 2018-ci ildən bəri ilk belə güclü püskürmədir. Püskürmə nəticəsində 50 kilometr radiusdakı ərazilər kül ilə örtülüb. İyun ayının sonunda Simmoe orta dərəcədə aktivlik göstərmiş, 500 metrə qədər kül püskürtmüşdü.
Xədicə BAXIŞLI
Bizi Telegram-da izləyin...
