Amerikada milli parkda baş verən meşə yanğını 20 dəfə böyüyüb
ABŞ-nin Arizona ştatının şimalında yerləşən Böyük Kanyon ətrafında baş verən meşə yanğını cəmi 24 saat ərzində demək olar ki, 20 dəfə böyüyüb.
Redaktor.az xəbər verir ki, bu barədə “NBC News” məlumat yayıb.
Məlumata görə, Böyük Kanyon Milli Parkında ildırım düşməsi nəticəsində meşə yanğını baş verib.
Güclü külək və həddindən artıq isti hava şəraitinin təsiri ilə yanğın sürətlə yayılaraq bir gün ərzində təxminən 20 min hektara əraziyə yayılıb.
“White Sage Yanğını” (Ağ Adaçayı Yanğını) adlandırılan bu yanğın səbəbindən həmin ərazidə olan 500 parkın ziyarətçiləri təxliyə edilib.
Rəsmilər bildiriblər ki, yanğının nəzarət altına alınması üçün işlər davam etdirilir.
Bizi Telegram-da izləyin...
