Putin Zelenski ilə görüşdən İMTİNA ETDİ
Rusiya Prezidenti Vladimir Putin ukrayanlı həmkarı Volodimir Zelenski ilə görüşməyə razı deyil.
Redaktor.az xəbər verir ki, bu barədə "The Washington Post" qəzeti öz mənbələrinə istinadən məlumat yayıb.
Mənbə deyir ki, Moskva Ukraynadakı siyasi rejiminin legitimliyini tanımır və bu görüş Ukrayna hakimiyyətinin Rusiya üçün "müəyyən qədər legitimləşdirilməsini" təmin edə bilər. Nəşr onu da qeyd edir ki, Rusiya yalnız sövdələşmənin şərtləri işlənəndən sonra görüşü təyin etməyə hazırdır.
"Rusiya Federasiyası üçün bu, Kiyevin kapitulyasiyası deməkdir", - məlumatda qeyd olunur.
Bu gün Rusiyanın xarici işlər naziri Sergey Lavrov Putin və Zelenski arasında görüşün fantaziya olduğunu bildirib.
"Düşünürəm ki, avqustun sonunadək Zelenski ilə Putin arasında görüş ehtimalı sıfıra bərabərdir. Şanslar da son dərəcə kiçikdir və ya sonradan yox dərəcəsindədir. Putinlə Zelenski arasında baş tutacaq sammit Trampın fantaziyasından başqa bir şey deyil. O, yəqin ki, Putinin mövqeyini ya səhv başa düşüb, ya da yanlış yola yönəlib", - Rusiya XİN rəhbəri bildirib.
Ukrayna Prezident Aparatının rəhbəri Andriy Yermak iki ölkə liderləri arasında sammitin keçirilə biləcəyi yerləri açıqlayıb. Zelenski deyib ki, onun Vladimir Putinlə görüşü Avropada baş tuta bilər.
Bizi Telegram-da izləyin...
