Belarusun ABŞ-yə şərti var
Belarus amerikalı diplomatlarla Minsk tərəfindən çoxlu sayda məhbusun azad edilməsi ilə bağlı danışıqlar aparır. Bunun müqabilində Belarus Prezidenti Aleksandr Lukaşenko amerikalı həmkarı Donald Trampdan sanksiyaları yumşaltmağı xahiş edib.
Redaktor.az xəbər verir ki, bu barədə "Rzeczpospolita" nəşri mənbələrə istinadən məlumat yayıb.
Minsk "Belavia" aviaşirkəti və kalium gübrəsi istehsalçısı "Belaruskaliy"ə qarşı sanksiyaların qaldırılacağına ümid edir. Qəzetin mənbəsinin sözlərinə görə, Lukaşenko "təcriddən çıxmağa" və ABŞ prezidenti ilə münasibətləri sahmana salmağa çalışır.
Bizi Telegram-da izləyin...
