Ərdoğan Türkiyənin strateji vasitəçi rolunu təsdiqləyir
Türkiyə Prezidenti Rəcəb Tayyib Ərdoğan Ukrayna lideri Vladimir Zelenskini münaqişənin həlli üçün dialoqu davam etdirməyə səsləyib.
Redaktor.az xəbər verir ki, bu haqda "Anadolu" agentliyinə diplomatik mənbə öz məlumatlarını bildirib.
Mənbənin sözlərinə görə, Ankara bu çağırışla həm də Qərbə siqnal göndərir və neytral vasitəçi mövqeyini qorumağı planlaşdırır.
Məlumata görə, Ərdoğan daha əvvəl Zelenski ilə telefon danışığında Rusiya ilə dialoqun davam etdirilməsinin vacibliyini vurğulayıb. O, iki ölkə arasında yüksək səviyyəli əlaqələrin təşkilinə dəstək verməyə hazır olduğunu bildirib.
Diplomatik mənbə qeyd edib ki, Ankara Kiyev və Moskva arasında sadəcə müşahidəçi deyil, həm də potensial vasitəçi kimi çıxış etmək niyyətindədir:
“Prezident Ərdoğan Türkiyənin strateji vasitəçi rolunu təsdiqləyir. Ankara təkcə izləyici yox, həm də danışıqlar prosesində fəal iştirakçı olmaq istəyir”, - deyə mənbə vurğulayıb.
Onun sözlərinə görə, Ukraynanın təhlükəsizliyinə dəstək barədə bəyanatlar da Türkiyənin beynəlxalq imici üçün xüsusi əhəmiyyət daşıyır.
Aytəkin TOFİQQIZI
Bizi Telegram-da izləyin...
