ABŞ xarici yardımları ixtisar EDİR
ABŞ Prezidenti Donald Trampın administrasiyası başqa ölkələrə göstərilən yardımı daha 5 milyard dollar azaltmağı planlaşdırır. Bu yardımlar sırasında “ukraynalı qadınların əsərlərinin təşviqi” ilə bağlı bənd də yer alır.
Redaktor.az xəbər verir ki, bununla bağlı The New York Post (NYP) mənbələrə istinadən məlumat yayıb.
Nəşrin yazdığına görə, Tramp administrasiyası israfçılıq kimi qiymətləndirilən xərcləri müəyyən edib. Onların arasında Hondurasda iqlim dəyişikliyinə davamlılıq üçün 24,6 milyon dollar, “irqçi məqalələr” dərc etmiş Cənubi Afrika Demokratiya Fondu üçün 2,7 milyon dollar və Qərbi Balkanlarda LGBT icması arasında demokratiyanın təşviqi üçün 3,9 milyon dollar yer alıb.
Məlumata görə, Tramp bu addımı nadir tətbiq olunan “cib vetosu” (pocket rescission) proseduru ilə atmağı planlaşdırır. Bu hüquqi cəhətdən mübahisəli mexanizm son 48 ildə istifadə edilməyib. Prosedur Konqresə maliyyə ili sonuna yaxın təqdim olunan sorğudan ibarətdir və qanunverici orqan hərəkətə keçməsə belə, avtomatik qüvvəyə minir.
Xatırladaq ki, avqustun 25-də Donald Tramp ABŞ-nin artıq Ukraynaya pul xərcləmədiyini bəyan edib. Onun sözlərinə görə, indi Vaşinqton əksinə, NATO ölkələrinə silah sataraq vəsait qazanır.
Aytəkin TOFİQQIZI
Bizi Telegram-da izləyin...
