Lavrov Səudiyyə Ərəbistanının XİN başçısı ilə İsrail-Fələstin münaqişəsini müzakirə etdi
Rusiya xarici işlər naziri Sergey Lavrov Səudiyyə Ərəbistanının xarici işlər naziri Feysəl bin Fərhan Al Səud ilə telefon danışığı zamanı iki ölkə arasındakı münasibətlərin möhkəmləndirilməsi perspektivlərini, həmçinin İsrail-Fələstin münaqişəsi zonasında vəziyyəti müzakirə edib.
Redaktor.az xəbər verir ki, bu barədə Rusiya XİN-i məlumat yayıb.
Qeyd olunub ki, nazirlər Rusiya–Səudiyyə əlaqələrinin mövcud vəziyyəti və onların çoxşaxəli inkişaf perspektivlərini ətraflı müzakirə ediblər.
Tərəflər Moskva ilə Ər-Riyad arasında siyasi dialoqun yüksək dinamikasının saxlanmasının, eləcə də ticarət-iqtisadi, investisiya və mədəni-humanitar əməkdaşlığın genişləndirilməsinin vacibliyini vurğulayıblar.
Bizi Telegram-da izləyin...
