Slovakiya ilk dəfə Ukraynaya mina təmizləmə texnikası göndərəcək
Slovakiyanın daxili işlər naziri və “Hlas-Sosial Demokratiya” partiyasının lideri Matuş Şutay-Eştok bildirib ki, Slovakiya ilk dəfə olaraq Ukraynaya mina təmizləmə texnikası təqdim edəcək.
Redaktor.az bu barədə xarici mediaya istinadla xəbər verir.
Nazirin sözlərinə görə, bu, Slovakiya hökumətinin 2023-cü ildən bəri Ukraynaya göstərdiyi ilk humanitar yardım olacaq. O, bu barədə partiyasının YouTube kanalında yayımlanan videomüraciətində məlumat verib.
Şutay-Eştok vurğulayıb ki, ölkəsi Ukraynaya hərbi texnika göndərmək niyyətində deyil:
“Biz Ukraynaya heç bir silah göndərməyəcəyik,” - deyə o bildirib.
Mina təmizləmə texnikasının göndərilməsi qərarı baş nazir Robert Fitso hökuməti tərəfindən təsdiqlənib. Fitso oktyabrın 7-də açıqlayıb ki, Slovakiya və Ukrayna hökumətləri arasında 17 oktyabrda Mixalovçe şəhərində görüş keçiriləcək.
Nuriyyə NATİQQIZI
Bizi Telegram-da izləyin...
