Kreml ABŞ-nin danışıqlarda “sükut prinsipinə” əməl edəcəyinə ümid edir
Kreml Ukrayna münaqişəsinin həlli üzrə aparılan danışıqlarda ABŞ-nin “sükut prinsipinə” əməl edəcəyinə ümid edir.
Redaktor.az Rusiya KİV-ə istinadla xəbər verir ki, bunu Rusiyanın prezidentinin mətbuat katibi Dmitri Peskov jurnalistlərə açıqlamasında bildirib.
“Biz bu prinsipə əməl edəcəyik. Ümid edirik ki, amerikalı həmkarlarımız da bu prinsipi qoruyacaqlar”, - deyə Peskov vurğulayıb.
O qeyd edib ki, Moskva “meqafon diplomatiyası”nın tərəfdarı deyil.
Peskov əlavə edib ki, Rusiya Ukrayna münaqişəsinin həlli ilə bağlı ABŞ-la nəticə əldə olunana qədər istənilən qədər görüş keçirməyə hazırdır. Onun sözlərinə görə, Moskva ABŞ prezidenti Donald Trampın münaqişənin “həll yollarını axtarmaq” istiqamətində göstərdiyi siyasi iradəni yüksək qiymətləndirir.
Nuriyyə NATİQQIZI
Bizi Telegram-da izləyin...
