“Rusiyanın Ukraynaya qarşı müharibəsinin sonu beynəlxalq hüquqa uyğun olmalıdır” - BMT-nin baş katibi
BMT-nin baş katibi Antonio Quterreş çərşənbə günü bildirib ki, Rusiyanın Ukraynaya qarşı apardığı müharibənin başa çatdırılması yalnız beynəlxalq hüququn tələblərinə uyğun şəkildə mümkün ola bilər.
Redaktor.az xəbər verir ki, Nyu-Yorkda keçirilən konfransda çıxış edən Quterreş vəziyyətin hələ də həll yolundan çox uzaq olduğunu deyib:
“Hesab edirəm ki, biz hələ də həllə yaxın deyilik.”
Rusiya 2022-ci ilin fevralında Ukraynaya hücum edərək Soyuq Müharibədən bəri Moskva ilə Qərb arasında ən böyük gərginliyə səbəb olub. Hazırda ABŞ münaqişənin bitməsi üçün vasitəçilik səylərini davam etdirir.
Xədicə BAXIŞLI
Bizi Telegram-da izləyin...
