Venesuelada 7 günlük milli yas elan edildi
Venesuela Prezidenti vəzifəsini icra edən Delcy Rodriguez ölkədə yeddi günlük milli yas elan edib. Bu qərar ABŞ-nin keçirdiyi hərbi əməliyyat zamanı həyatını itirmiş şəxslərin xatirəsinə verilib.
Redaktor.az bu barədə xarici mediaya istinadla xəbər verir.
Rodriguez bildirib ki, qərar 3 yanvar 2026-cı il tarixində baş vermiş hərbi müdaxilə zamanı həyatını itirmiş hərbçilər və digər iştirakçılar üçün qəbul edilib.
Rəsmi məlumata görə, əməliyyat nəticəsində ən azı 24 Venesuela hərbçisi və 32 Kuba təhlükəsizlik əməkdaşı həlak olub və bu itkilərlə əlaqədar olaraq ölkədə bir həftəlik matəm elan edilib.
Venesuelanın keçici prezidenti həmçinin bu şəxsləri “Venesuelanı və dövlət rəhbərini müdafiə edərkən” canlarını fəda etmiş qəhrəmanlar adlandırıb və onların xatirəsinin anılması üçün ölkə ərazisində müvafiq tədbirlər keçirilməsini tövsiyə edib.
Bu qərar Venesuela daxilində və beynəlxalq müstəvidə həlledici siyasi vəziyyətin fonunda verilib və ölkədə yaranmış gərgin vəziyyətlə əlaqədar olaraq diqqət mərkəzindədir.
Nuriyyə NATİQQIZI
Bizi Telegram-da izləyin...
