Aİ İrandan internetə çıxışı bərpa etməyi tələb ETDİ
Avropa İttifaqı (Aİ) İran hakimiyyətini ölkə üzrə internetə çıxışı bərpa etməyə çağırıb.
Redaktor.az xarici mediaya istinadla xəbər verir ki, bu barədə Brüsseldə keçirilən brifinqdə Aİ-nin Xarici Fəaliyyət Xidmətinin sözçüsü Ənvar əl-Anuni bildirib.
Onun sözlərinə görə, Avropa İttifaqı İran hakimiyyətini ifadə azadlığı və dinc toplaşmaq hüquqlarına hörmət etməyə, həmçinin ölkə üzrə internetə çıxışı yenidən təmin etməyə çağırır.
Əl-Anuni vurğulayıb ki, Brüssel İranda baş verənləri diqqətlə izləyir və yaranmış vəziyyətdən ciddi narahatdır.
Nuriyyə NATİQQIZI
Bizi Telegram-da izləyin...
