Hindistan Rusiya neftindən imtina edəcək - Trampdan iddia
ABŞ Prezidenti Donald Tramp iddia edib ki, Hindistanın Baş naziri Narendra Modi onunla telefon danışığı zamanı Rusiya neftinin alınmasını dayandırmağa və bu yanacağı ABŞ-dən, mümkün halda isə Venesueladan almağa razılaşıb.
Redaktor.az xəbər verir ki, Tramp telefon danışığı ilə bağlı "Truth Social" platformasında paylaşdığı açıqlamada bildirib.
“Biz bir çox məsələləri, o cümlədən ticarəti və Rusiya-Ukrayna müharibəsinin başa çatdırılmasını müzakirə etdik. O, Rusiya neftinin alınmasını dayandırmağa, bu xammaldan ABŞ-dan və potensial olaraq Venesueladan xeyli daha çox almağa razılaşdı”.
ABŞ Prezidenti hesab edir ki, bu addım Ukraynadakı müharibənin başa çatdırılmasına kömək edəcək.
Xədicə BAXIŞLI
Bizi Telegram-da izləyin...
