"İran Minab məktəbindəki qırğını heç vaxt unutmayacaq"
İran Xarici İşlər Nazirliyinin sözçüsü İsmayıl Bəqai bildirib ki, ABŞ-İsrail hava hücumu nəticəsində Minabda məktəbə edilən hücumda həlak olan 165 uşaq və müəllimin xatirəsi “İranın qəlbində əbədi olaraq həkk olunacaq”.
Redaktor.az xəbər verir ki, bu barədə Bəqai X-dəki paylaşımında qeyd edib.
O, bildirib ki, “günahsız mələklər” ABŞ-İsrail hücumundan bir gün sonra təntənəli mərasimlə dəfn olunublar.
O əlavə edib: “Bu günahsız uşaqların qiymətli həyatları soyqırım qatilləri tərəfindən amansızcasına kəsildi, lakin onların xatirəsi İranın qəlbində əbədi yaşayacaq.”
İran rəsmiləri hadisəni mülki şəxslərə qarşı qəsdən törədilmiş soyqırım aktı kimi pisləyib və məsuliyyət daşıyanları cəzalandıracaqlarına söz veriblər. Faciə İranda geniş matəmə səbəb olub, uşaqlar üçün ictimai mərasimlər və ehtiram tədbirləri keçirilib.
Qeyd edək ki, 28 fevral tarixində ABŞ tərəfindən İranın cənubundakı Hörmüzqan əyalətinin Minab bölgəsindəki Şəcərə Təyyibə adlı ibtidai məktəbə edilən hava hücumu edilib.
Aminə ŞAHSUVARQIZI
Bizi Telegram-da izləyin...
