Livandakı müharibə hər gün uşaqları öldürür və yaralayır - UNICEF
Livanda İsrail və Hizbullah arasında davam edən döyüşlərdə uşaqlar hər gün öldürülür və yaralanır.
Redaktor.az xəbər verir ki, bunu UNICEF-in humanitar məsələlər üzrə icraçı direktorunun müavini Ted Çayban bildirib.
Livan Səhiyyə Nazirliyinin məlumatına görə, martın 2-dən başlayaraq İsrailin Livana endirdiyi zərbələr nəticəsində ən azı 111 uşaq həlak olub, 334 uşaq yaralanıb.
Çayban bildirib ki, “bu, uşaqların həyatını tamamilə məhv edir. Ev, məktəb, normal həyat hissi yoxdur”.
İsrail qəsdən mülki şəxsləri hədəf almadığını və xəbərdarlıqların mülki şəxslərin hücumlar başlamazdan əvvəl təxliyə olunmasına imkan verdiyini bildirir.
Martın 2-dən bəri İsrailin Livana hücumları nəticəsində 900-dən çox insan həlak olub, 1 milyondan çox insan evlərini tərk etməyə məcbur olub. Onların arasında 350.000 uşaq da var.
Aminə ŞAHSUVARQIZI
Bizi Telegram-da izləyin...
