Rusiya aviaşirkətlərinin İsrailə uçuş vaxtları məhdudlaşdırıldı
"Rosaviasiya" Rusiya aviaşirkətlərinin İsrailin hava məkanından istifadə etməsinə dair tövsiyələrini yeniləyib.
Redaktor.az xəbər verir ki, tənzimləyici qurumun mətbuat xidmətinin yaydığı məlumata görə, uçuşlara verilən icazə aprelin 16-dan mayın 15-dək qüvvədə olacaq.
Sənəddə qeyd olunur ki, reyslər yalnız saat 07:00-dan 01:00-dək yerinə yetirilə bilər, gecə saatlarında isə uçuşların həyata keçirilməsi qadağandır. Qurum aviaşirkətləri uçuş qərarları verərkən riskləri düzgün qiymətləndirməyə, o cümlədən Beynəlxalq Mülki Aviasiya Təşkilatının (İCAO) tövsiyələrini nəzərə almağa çağırıb.
Xədicə BAXIŞLI
Bizi Telegram-da izləyin...
