"Rosatom" dünyada AES reaktorunda radiotoksik tullantıları yandıran ilk şirkət oldu
Rusiyanın "Rosatom" şirkəti dünyada ilk dəfə olaraq atom elektrik stansiyasının (AES) reaktorunda işlənmiş nüvə yanacağında olan çox təhlükəli radioaktiv maddələrin "yandırılması" prosesini uğurla həyata keçirib.
Redaktor.az-ın "kp.ru" saytına istinadən verdiyi məlumata görə, şirkətin bu yeni texnologiyası gələcəkdə nüvə energetikasının ekoloji təhlükəsizliyini əhəmiyyətli dərəcədə artırmağa kömək edəcək.
Beloyarsk AES-in 4-cü enerji blokunda sürətli neytronlarla işləyən BN-800 reaktorunda dünyada ilk təcrübi-sənaye istismar proqramı başa çatıb. Proqram çərçivəsində uran-plutonium yanacağının tərkibinə "minor aktinidlər" - yəni ən yüksək radiotoksikliyə və uzunömürlülüyə malik komponentlər əlavə edilib və onların "yandırılması" prosesi icra olunub.
Bizi Telegram-da izləyin...
