Türkiyədə şəhərə girən qaban 3 nəfəri yaraladı
Türkiyədə vəhşi qabanın şəhərə daxil olması nəticəsində hadisə baş verib və üç nəfər xəsarət alıb.
Redaktor.az xəbər verir ki, bu barədə “Daily Star” qəzeti məlumat yayıb.
Hadisə şahidlərinin sözlərinə əsasən, nəhəng qaban yol ilə hərəkət edən bir kişiyə yüksək sürətlə çırpılıb. Zərbənin təsirindən piyada havaya qalxaraq səkiyə düşüb.
Məlumata görə, heyvan daha sonra şəhər küçələrində hərəkətini davam etdirərək ərazidə panika yaradıb. Yerli təcili yardım xidmətləri bildirib ki, hadisə nəticəsində ümumilikdə üç nəfər yaralanıb və onlara tibbi yardım göstərilib. Yaralıların vəziyyəti barədə əlavə məlumat açıqlanmayıb.
Qeyd olunub ki, insidentdən sonra qaban şəhərdən çıxaraq yaxınlıqdakı meşəlik əraziyə doğru hərəkət edib və izini itirib. Hazırda onun tapılıb-tapılmaması ilə bağlı rəsmi təsdiq yoxdur.
Aminə ŞAHSUVARQIZI
Bizi Telegram-da izləyin...
