İranın hücumları zamanı vurulan sərnişin təyyarəsi deyil - AÇIQLAMA
İranın İsrailə endirdiyi zərbələr zamanı İraqın mərkəzində naməlum pilotsuz təyyarə (PUA) qəzaya uğrayıb.
Redaktor.az INA xəbər agentliyinə istinadla xəbər verir ki, bu barədə İraqın Kərbəla əyalətinin qubernatoru Nasif əl-Xəttabi bildirib.
"Bəzi media orqanlarında Kərbəlada sərnişin təyyarəsinin qəzaya uğraması ilə bağlı yayılan məlumatlar həqiqətə uyğun deyil. Əyalətdə qəzaya uğrayan obyekt PUA olub" - deyən qubernator qəzaya uğrayan dronun mənşə ölkəsini və ya qəza səbəbini dəqiqləşdirməyib.
Qeyd edək ki, daha əvvəl İran İsrailə raket zərbələri endirib.
T.İSMAYIL
Bizi Telegram-da izləyin...
