BƏƏ aviaşirkətləri ölkəyə uçarkən əməliyyat riskləri barədə xəbərdar ETDİ
Birləşmiş Ərəb Əmirlikləri (BƏƏ) aviasiya hakimiyyəti xarici aviaşirkətlərə ölkəyə uçuş zamanı potensial əməliyyat riskləri barədə yenidən xəbərdarlıq edib.
Redaktor.az xəbər verir ki, bu barədə TASS-a Yaxın Şərq hava nəqliyyatının idarə edilməsi xidmətindəki mənbə bildirib.
Agentliyin mənbəsi ölkənin aviasiya hakimiyyəti tərəfindən verilən müvafiq xəbərdarlığa istinadən bildirib ki, "regiondakı mövcud vəziyyəti nəzərə alaraq, BƏƏ hava limanlarına və ya BƏƏ-dən uçuşlar planlaşdıran bütün xarici aviadaşıyıcılar qiymətləndirilməli olan əməliyyat riskləri daşıyırlar". O əlavə edib ki, uçuşları həyata keçirmək üçün aviaşirkətlər potensial əməliyyat risklərini qiymətləndirməli, ölkənin aviasiya hakimiyyətinə müvafiq sorğu təqdim etməli və lazımi bildirişi gözləməlidirlər. Mənbə qeyd edib ki, bu prosedur sözdə repatriasiya uçuşlarına, eləcə də tibbi və dövlət təyyarələri ilə uçuşlara şamil edilmir.
Oxşar tələb əvvəllər ABŞ və İsrailin İrana qarşı hərbi əməliyyatı zamanı da tətbiq edilmişdi. Xəbərdarlıq təxminən 5 iyula qədər qüvvədə qalacaq.
T.İSMAYIL
Bizi Telegram-da izləyin...
