Azərbaycanda baş verən zəlzələ Ermənistanda da hiss OLUNDU
Azərbaycanda qeydə alınan zəlzələ Ermənistanın bir sıra bölgələrində də hiss olunub.
Redaktor.az xəbər verir ki, bu barədə Ermənistan KİV-i məlumat yayıb.
Məlumata görə, Ermənistan Daxili İşlər Nazirliyinin Ərazi Seysmik Mühafizə Xidmətinin seysmoloji şəbəkəsi iyunun 12-də 5.1 maqnitudalı zəlzələ qeydə alıb.
Bildirilib ki, yeraltı təkanların episentri Şəki şəhərindən 52 kilometr cənub-şərqdə yerləşib və zəlzələ ocağı 10 kilometr dərinlikdə olub.
Ermənistan Xilasetmə Xidmətinin məlumatına əsasən, episentrdə zəlzələnin intensivliyi 7 bala çatıb.
Qeyd olunub ki, yeraltı təkanlar Ermənistanın Tavuş, Geğarkunik və Sünik vilayətlərində 3-4 bal gücündə hiss edilib.
Hadisə nəticəsində dağıntı və ya xəsarətlə bağlı məlumat verilməyib.
Aminə ŞAHSUVARQIZI
Bizi Telegram-da izləyin...
