"İranla sülh üçün ABŞ İsrailə hərbi dəstəyi dayandırmalıdır" - Co Kent
ABŞ Milli Terrorla Mübarizə Mərkəzinin keçmiş direktoru, Respublikaçılar Partiyasının üzvü Co Kent İranla davamlı sülh razılaşmasına nail olmaq üçün Vaşinqtonun İsrailə dəstəyini kəsməli olduğunu bildirib.
Redaktor.az xəbər verir ki, Co Kent bu barədə öz sosial media hesabında paylaşım edib.
O, Donald Trampın keçmiş müttəfiqi, İsrailin müdafiə naziri İsrael Katzın "kompromis və güzəştlər deyil, qətiyyətli qələbələr axtaracağıq" bəyanatına reaksiya verib. Kent qeyd edib ki, İsrail ABŞ ilə İran arasında bağlana biləcək hər hansı sülh müqaviləsinə əməl etməyəcək. Onun sözlərinə görə, Təl-Əvivin addımları Amerikanın strateji məqsədlərinə mane olur və ABŞ-ni lazımsız münaqişələrə cəlb edir.
Keçmiş direktor vurğulayıb ki, İsrailin İrana qarşı davamlı hücumlar etmək qabiliyyəti birbaşa ABŞ-nin köməyindən asılıdır və bu yardım olmadan Qüdsün eyni anda bir neçə cəbhədə müharibə aparması qeyri-mümkündür.
"Xəyallar qurmayın - bu, razılaşmamızı pozmaqla hədələyir. Amma biz rıçaqı aradan qaldıra bilərik: bu axmaq müharibəyə son qoymaq potensialını qorumaq üçün təmin etdiyimiz İsrailin hərbi dəstəyini dərhal kəsə bilərik", — deyə Co Kent əlavə edib.
Aminə ŞAHSUVARQIZI
Bizi Telegram-da izləyin...
