Köçəryan MSK-nı məhkəməyə VERDİ
Ermənistanın eks-prezidenti, “Hayastan” blokunun lideri Robert Köçəryan İnzibati Məhkəmədə Mərkəzi Seçki Komissiyasına (MSK) qarşı iddia qaldırıb.
Redaktor.az xəbər verir ki, iddiada Robert Köçəryan MSK-nın qərarını mübahisələndirib. Görünür, söhbət 17 iyunda MSK-nın onun barəsində cinayət təqibinin başlanmasına razılıq verilməsi barədə qərarından gedir.
“Factinfo”nun məlumatına görə, iddia ötən gün axşam məhkəməyə daxil olub və hakim Qriqor Arakeliana göndərilib. İddianın icraata qəbul edilib-edilməməsi barədə hələ qərar yoxdur.
Qeyd olunur ki, Robert Köçəryan barəsində cinayət təqibi 22 il əvvəl hökumətin qəbul etdiyi bir qərarla bağlı iş üzrə başlanıb. Konkret olaraq, 2004-cü ildə həyata keçirilmiş və Ermənistan hökuməti tərəfindən təsdiqlənmiş bir sövdələşmə məsələsindən söhbət gedir.
Bizi Telegram-da izləyin...
