Paşinyan məzuniyyətə çıxır
Ermənistanın Baş naziri Nikol Paşinyan iyul ayında 20 günlük məzuniyyətə çıxacaq.
Redaktor.az xəbər verir ki, Ermənistan hökumətinin mətbuat xidmətinin məlumatına görə, baş nazirin istirahəti iyulun 10-dan 29-dək davam edəcək.
Məlumata görə, məzuniyyət müddətində baş nazirin səlahiyyətlərini müvəqqəti olaraq onun müavinləri icra edəcək.
Bildirilib ki, iyulun 10-dan 20-dək baş nazir vəzifələrini Mger Qriqoryan, iyulun 21-dən 29-dək isə Tiqran Xaçatryan yerinə yetirəcək.
Qeyd edək ki, Nikol Paşinyan iyunun 7-də keçirilən parlament seçkilərindən sonra da qısa müddətli məzuniyyətə çıxmışdı. Həmin vaxt Ermənistan hökumət başçısı iyunun 12-dən etibarən üç gün müddətində doğulduğu İcevan şəhərində istirahət etmişdi.
Aminə ŞAHSUVARQIZI
Bizi Telegram-da izləyin...
