Ermənistan hökuməti TRIPP üzrə ABŞ ilə çərçivə sazişinin ratifikasiyasını TƏSDİQLƏDİ
Ermənistan hökuməti ABŞ ilə TRIPP layihəsi çərçivəsində imzalanmış strateji tərəfdaşlıq haqqında çərçivə sazişinin ratifikasiyasını təsdiqləyib.
Redaktor.az xəbər verir ki, bu barədə news.am məlumat yayıb.
Saziş Azərbaycanın əsas hissəsini Naxçıvan Muxtar Respublikası ilə Ermənistan ərazisi üzərindən birləşdirəcək nəqliyyat marşrutunun yaradılmasını nəzərdə tutur.
Sənəd 2026-cı il iyunun 1-də Vaşinqtonda, iyunun 4-də isə İrəvanda imzalanıb.
Konstitusiya Məhkəməsinin sazişin Ermənistan Konstitusiyasına uyğunluğu barədə müsbət rəy verməsindən sonra sənəd ratifikasiya üçün parlamentə təqdim ediləcək.
Ermənistanın xarici işlər naziri Ararat Mirzoyan bildirib ki, layihənin tam həyata keçirilməsi üçün tərəflər daha iki sənəd – səhmdarlar arasında sazişi və layihənin inkişafı üzrə şirkətin nizamnaməsini də imzalamalıdır.
Bizi Telegram-da izləyin...
