İranda demoqrafik böhran yaşanır
İranın Vətəndaş Qeydiyyatı Təşkilatının rəsmi statistikası ölkədə doğum səviyyəsinin rekord həddə azaldığını göstərir.
Redaktor.az xəbər verir ki, rəsmi məlumatlara əsasən, 2026-cı ildə İranda cəmi 892 min 280 uşaq dünyaya gəlib. Bu göstərici 1960-cı ildən bəri, yəni son 66 ilin ən aşağı doğum səviyyəsi hesab olunur.
Bununla yanaşı, 2026-cı il ardıcıl ikinci il olub ki, ölkədə illik doğulan uşaqların sayı 1 milyondan az qeydə alınıb. Halbuki 1960-cı illərdə İranda illik doğum sayı 2 milyonu keçirdi.
Statistikaya görə, hər min nəfərə düşən doğum sayını ifadə edən ümumi doğum əmsalı da ötən il 10-a enərək son təxminən 70 ilin ən aşağı səviyyəsinə düşüb.
Təşkilatın açıqladığı digər rəqəmlərə əsasən, 2026-cı ildə İranda 451 min 798 ölüm faktı qeydə alınıb.
Bizi Telegram-da izləyin...
