ABŞ-dən “Hizbullah”a çağırış: “Silahları təhvil versəniz, hər şey dayanacaq”
ABŞ-nin Livandakı səfiri Mişel İssa İsrailin hücumlarının dayandırılması üçün radikal şiə qruplaşması “Hizbullah”ı silahı yerə qoymağa çağırıb.
Redaktor.az xəbər verir ki, diplomat bu barədə Livan parlamentinin spikeri Nəbih Berri ilə görüşdən sonra jurnalistlərə açıqlamasında danışıb.
“Zərbələr vaxtı çatanda dayandırılacaq. Bundan əlavə, siz “Hizbullah”a deməlisiniz ki, əgər silahlarını təhvil versələr, hər şey dayanacaq”, - deyə İssa bildirib.
Qeyd edək ki, iyunun 26-da İsrail və Livanın çərçivə sazişi imzaladığı məlum olub. Sazişə əsasən, İsrail Müdafiə Qüvvələri Livan ərazisindən qoşunlarını çıxarmağa başlamalıdır. Tərəflər sənədi ABŞ dövlət katibi Marko Rubionun iştirakı ilə Vaşinqtonda imzalayıblar.
Bundan sonra “Hizbullah” lideri Naim Qasim İsrail və Livan arasında əldə olunan razılaşmanı “xəyanət” adlandıraraq rədd edib. O, Livan hökumətini birtərəfli güzəştlərə getməkdə və ölkənin suverenliyini zəiflətməkdə ittiham edib.
Xədicə BAXIŞLI
Bizi Telegram-da izləyin...
