Qazaxıstan Qurultayının ilk sessiyası bu həftə KEÇİRİLƏCƏK
Qazaxıstan Prezidenti Kasım-Jomart Tokayev ölkənin yeni birpalatalı parlamenti olan Qurultayın ilk sessiyasının çağırılması barədə fərman imzalayıb.
Redaktor.az xəbər verir ki, sənədə əsasən, Qurultayın ilk sessiyası avqustun 28-də Astana şəhərində keçiriləcək.
Qeyd edək ki, Qazaxıstanda Kurultaya ilk seçkilər avqustun 23-də keçirilib. Seçkilərin nəticələrinə əsasən, prezidentyönlü “Ədilet” partiyası 145 yerlik birpalatalı parlamentdə 110 mandat qazanıb. “Aul” partiyası 10, “Respublica” 9, Ümummilli Sosial-Demokrat Partiyası və “Ak jol” isə hər biri 8 mandat əldə edib.
Xatırladaq ki, ölkədə qəbul edilən yeni Konstitusiyaya əsasən, əvvəlki ikipalatalı parlament sistemi ləğv edilərək birpalatalı Qurultay yaradılıb.
NURİYYƏ
Bizi Telegram-da izləyin...
