Aİ Ukraynanı qorunan peyk rabitəsi sistemlərinə qoşmaq istəyir
Avropa Komissiyası Ukraynanın Avropa İttifaqının (Aİ) qorunan peyk rabitəsi sistemləri olan GOVSATCOM və IRIS-ə qoşulması ilə bağlı danışıqlara başlayıb.
Redaktor.az xəbər verir ki, bu barədə "Euractiv"ə istinadən məlumat yayıb.
Məlumata görə, danışıqlar Ukraynanın qorunan dövlət peyk rabitəsi sistemi GOVSATCOM-a, eləcə də hazırda yaradılmaqda olan IRIS peyk qruplaşmasına qoşulmasını nəzərdə tutur.
Gələcəkdə bu, Ukrayna və Avropa hərbçilərinə vahid qorunan rabitə sistemindən istifadə etməklə fəaliyyətlərini əlaqələndirməyə imkan verə bilər.
Aİ-nin müdafiə və kosmos üzrə komissarı Andryus Kubilyus daha əvvəl Ukrayna ilə yanaşı, Böyük Britaniya və Norveçin də IRIS sisteminə qoşula biləcəyini bildirmişdi.
Xədicə BAXIŞLI
Bizi Telegram-da izləyin...
