Çin-Rusiya münasibəti ABŞ üçün ən böyük təhdiddir - Bolton
Hazırda ABŞ-nin milli təhlükəsizliyi üçün ən böyük təhdidi Çin-Rusiya münasibəti yaradır.
Redaktor.az xəbər verir ki, bunu ABŞ Prezidentinin milli təhlükəsizlik üzrə sabiq müşaviri Con Bolton RTVI-yə müsahibəsində deyib.
Onun sözlərinə görə, mövcud vəziyyət Soyuq müharibə dövründəki Sovet-Çin ittifaqını xatırladır. Lakin bu dəfə ittifaqda əsas rolu Moskva deyil, Pekin oynayır.
“Bu, Soyuq müharibə dövründəki Sovet-Çin ittifaqını xatırladır, amma bu dəfə tonu Moskva deyil, Pekin müəyyən edir. Bu oxun digər iştirakçıları da var – Şimali Koreya, İran və Belarus”, – Bolton bildirib.
Sabiq müşavir əlavə edib ki, hazırda Çinin hazırlıq səviyyəsi əvvəlki dövrlə müqayisədə daha yüksəkdir.
Boltonun sözlərinə görə, Pekinin qlobal təsiri artıq vaxtilə Sovet İttifaqının malik olduğu təsirdən də böyükdür.
Xədicə BAXIŞLI
Bizi Telegram-da izləyin...
