Ermənistan-ABŞ ikitərəfli müdafiə məsləhətləşmələri KEÇİRİLDİ
Ermənistan Müdafiə Nazirliyinin inzibati kompleksində Ermənistan-ABŞ ikitərəfli müdafiə məsləhətləşmələri keçirilib.
Redaktor.az xəbər verir ki, bu barədə erməni mediası məlumat yayıb.
Məsləhətləşmələrdə Müdafiə Nazirliyinin nümayəndələri, ABŞ Kanzas Milli Qvardiyasının komandanı, briqada generalı Pol Şnayder və ABŞ Hərbi Nazirliyinin müxtəlif strukturlarının nümayəndələri iştirak ediblər.
Ermənistan və ABŞ arasında müdafiə sahəsində əməkdaşlıq çərçivəsində son illərdə həyata keçirilən proqramlar ümumiləşdirilib, əməkdaşlığın bütün sahələrində qarşılıqlı əlaqələrin inkişafı üçün mövcud potensial araşdırılıb.
Məsləhətləşmələrin nəticələrini yekunlaşdıran general-mayor Yeroyan vurğulayıb ki, yuxarıda qeyd olunan bütün sahələrdə əməkdaşlıq ER Silahlı Qüvvələrinin transformasiya prosesi çərçivəsində həyata keçirilir.
ABŞ-ın Hərbi Katibinin köməkçisinin müavini Endryu Lumis qeyd edib ki, ABŞ Ermənistanda həyata keçirilən müdafiə islahatlarını dəstəkləməyə davam edəcək, məsləhət, təcrübə mübadiləsi və digər dəstək proqramlarının bütün potensialını öz çərçivəsində həyata keçirilən ordu transformasiya proseslərinə yatıracaq.
Məsləhətləşmələrin sonunda tərəflər görülən işlər və əldə edilən razılaşmalar barədə protokol imzalayıblar.
Bizi Telegram-da izləyin...
