Kim Çen In Rusiyaya səfər edəcək
“Şimali Koreya lideri Kim Çen In Rusiyaya səfərə dəvət edilib”.
Redaktor.az xəbər verir ki, bunu Rusiya xarici işlər nazirinin müavini Andrey Rudenko TASS-a deyib.
“Rusiya həmişə Şimali Koreya liderini görməkdən məmnun olacaq. Səfərin tarixləri diplomatik kanallar vasitəsilə razılaşdırılacaq”, - diplomat bildirib.
Nazir müavini həmçinin xatırladıb ki, 2024-cü ilin iyun ayında Pxenyanda imzalanmış ikitərəfli Hərtərəfli Strateji Tərəfdaşlıq Müqaviləsi münasibətləri müttəfiqlik səviyyəsinə qaldırıb.
Kim Çen In bundan əvvəl Pxenyanın Moskva ilə əməkdaşlığı genişləndirməyə və dərinləşdirməyə davam etmək niyyətində olduğunu açıqlamışdı.
Bizi Telegram-da izləyin...
