“Flydubai” hadisəsi ilə bağlı ittihamlara belə CAVAB
İran Xarici İşlər Nazirliyinin sözçüsü İsmayıl Baqai bildirib ki, “Flydubai” reysi ilə bağlı insident İranı və ya regiondakı digər ölkələri günahlandırmaq məqsədilə “bacarıqsız şəkildə təşkil edilib”.
Redaktor.az xəbər verir ki, bu haqda “Mehr” xəbər agentliyi məlumat yayıb.
Nüvə obyektlərinin yoxlanılması ilə bağlı jurnalistin sualını cavablandırarkən Baqai deyib:
“İranı sübuta yetirilməsi mümkün olmayan məsələlərdə saxta dəlillər əsasında ittiham edirlər. Məsələn, “Flydubai” reysi ilə bağlı vəziyyətə nəzər sala. Düşünürəm ki, hətta məktəbəqədər yaşlı uşaqlar belə, təhlükəsizlik hissi yaratmaq və günahı İranın və ya digər tərəflərin üzərinə yıxmaq üçün bu işin nə qədər bacarıqsız şəkildə səhnələşdirildiyini görə bilərdilər”.
Xatırladaq ki, sentyabrın 30-u səhər saatlarında BƏƏ-dən İsrailə uçan 174 nəfərlik “Flydubai” laynerində ikinci pilot birinci pilota bıçaqla hücum edib. Sərnişinlər və digər pilot sayəsində təyyarə Səudiyyə Ərəbistanında təcili eniş edə bilib. İsrail tərəfi bu hadisəni rəsmən terror aktına cəhd kimi qiymətləndirib. Faktla bağlı araşırma aparılır.
Bizi Telegram-da izləyin...
