İtkin düşən oğlan xəstəxanada TAPILDI
Taylandda itkin düşən 17 yaşlı rusiyalı oğlan xəstəxanada tapılıb.
Redaktor.az xəbər verir ki, bu barədə “Shot” teleqram kanalına istinadən məlumat yayılıb.
Məlumata görə, yeniyetmənin ailəsinə xəstəxanadan zəng edilib. Onlara itkin düşən 17 yaşlı oğlana bənzəyən, komada olan xəstə barədə məlumat verilib.
İddialara görə, yeniyetmə taksi qəzasına düşüb və hadisə zamanı sağ qalan yeganə şəxs olub. Hazırda onun vəziyyəti ilə bağlı əlavə məlumat yoxdur. Yeniyetmə hələ özünə gəlməyib.
17 yaşlı rusiyalı oktyabrın 5-də Phuketdə yoxa çıxıb. Məlumata görə, həmin gecə taksi ilə dostlarının yanına gedərkən onlara yolda olduğunu bildirən mesaj göndərib. Bundan sonra onunla əlaqə saxlamaq mümkün olmayıb.
Aytəkin TOFİQQIZI
Bizi Telegram-da izləyin...
