Lavrovdan NATO ilə bağlı açıqlama: "Qulaqlarımızı açıq saxlayırıq"
Rusiya xarici işlər naziri Sergey Lavrov NATO-nun Rusiyaya qarşı müharibə planı hazırladığı barədə məlumatlı olduqlarını və vəziyyəti diqqətlə izlədiklərini bildirib.
Redaktor.az xəbər verir ki, bu haqda xarici KİV-ə istinadla məlumat verir.
Lavrov qeyd edib ki, Moskva Qərb qonşularından Rusiyaya qarşı yarana biləcək təhdidlərin qarşısını almaq üçün çalışır.
“Eşidirik, amma necə deyərlər, qulaqlarımızı açıq saxlayırıq və ən əsası, prezidentin xüsusi hərbi əməliyyat çərçivəsində qoyduğu vəzifələri - Qərb qonşularımızdan Rusiya Federasiyasına qarşı hər hansı bir təhdidin qarşısını almaq üçün çalışırıq”, - Lavrov bildirib.
Xarici işlər naziri bu açıqlamanı NATO-nun Rusiyanın mümkün hücumu halında fəaliyyət planı hazırladığı barədə məlumatları şərh edərkən verib.
Aytəkin TOFİQQIZI
Bizi Telegram-da izləyin...
