"İran rejimi Hitler kimi məhv edilməlidir" - Netanyahu
“İranı dayandırmağın yeganə yolu Tehrandakı fanatik rejimi devirməkdir”.
Redaktor.az xəbər verir ki, bunu İsrail Baş naziri Binyamin Netanyahu deyib.
Hökumət başçısı İranı Hitler Almaniyası ilə müqayisə edib. Netanyahu İkinci Dünya müharibəsi zamanı müttəfiqlərin nasist rejimini məhv etməsini xatırladaraq, İranla mübarizədə başqa həll yolunun olmadığı qənaətinə gəldiyini vurğulayıb:
“Belə qənaətə gəldim ki, burada təsəvvür edilə bilən yeganə həll yolu, şübhəsiz ki, bu fanatik rejimin devrilməsidir. Vaxtilə müttəfiqlərin gedib nasist rejimini məhv etmələri kimi”.
İsrail Baş naziri nasist Almaniyasının lideri Adolf Hitlerin nüvə silahı əldə etmək cəhdlərinə də toxunub: “Hitler atom bombası əldə etməyə çalışsa da, buna nail ola bilmədi”.
Netanyahu sonda İranda hakimiyyət dəyişikliyinin zəruriliyini növbəti dəfə qeyd edib: “Bu nasistləri, yaxud indiki İranın neonasistlərini dayandırmağın yeganə yolu rejimi məhv etmək və devirməkdir”.
Bizi Telegram-da izləyin...
